ГБУЗ РТ «Противотуберкулезный диспансер»

Туберкулез - эгезинден тура эмнетпес болза, хоочурай бээр халдавырлыг (чыпшынчак) аарыгларның бирээзи. Туберкулезтуң нептеридикчизи – өөскүдүкчү, каракка көзүлбес бичии микробтар. Олар онзагай быжыг каът-биле шыптынган, өске микробтарга деңнээрге, дыка читпес, быжыг, соокка-даа, изигге-даа белен өлбес. Элезин-довурак аразынга 4-5 айлар дургузунда, өл-шык, сериин черлерге 2-даа чыл иштинде "дириг" артып болур. 

Кижи канчаар аарый берип болурул? Ооң кол халдакчызы - аарыг кижи. Аарыг кижиниң дүкпүзүнге, чараазынга туберкулез микробтары чоруур, лаборатория тодарадыпкан болза, ону өкпе аарыының ажык хевири деп санаар. Ажык хевирниң өкпе аарыг кижилер чараазын черже дүкпүрүп каарга , дүкпү кургай бээр, а микробтар довурак-доозун-биле агаарже үнер, ону кадык кижи киир тынып алыр. Ооң уламындан хан-дамыр таварыштыр организмге тарааш, аңгы-аңгы органнарга аарыгны тывылдырар, өкпе туберкулезтуг кижи чөдүрүп, азырып, чугаалажып турар уеде, микробтуг чараа-дүкпүзү агаар дамчыштыр кадык улусче халдаар. Туберкулезтан аарый бээриниң чылдагааны микробтуң организмче катап-катап хөй санныг киреринден база кижиниң иммунитеди кошкай бергенде.

Аарыг канчаар эгелээрил? Эгези кижиге билдинмес болур, грипп, бронхит ышкаш бооп болур. Ону илередип алыры белен эвес. Шаг төнер, ажылга туруучал, чемге хөңнү кудулаар, кошкаар, арып эгелээр, ында-хаая баш аарыыр, эът улуг эвес изиир T-37; 37,3; 37,5; 37,6 кежээлерде, баштай кургаг чодул, сөөлзүредир иригниг чөдүл дүкпүрер. Дүне деридер, доңар, шыырныгар, оон ыңай хан дүкпүрүп болур.

Аарыгны тодарадып, шинчип тывар аргалары. Чылдың-на флюорография эртер, уругларга чылда 2 катап Манту проба салыр.

Бичиивистен тура, кадыывысче улуг сагыштан салыылыңар! Спорттуң янзы-бүрү хевирлери-биле "найыралдажып", арыг агаарга дыштанып, чайгы үеде хемге эштип, организмни дадыктырар!

#ПротивотуберкулезныйДиспансерТыва
#туберкулезизлечим
#профилактикатуберкулеза