Айтырыг: Тарылгадан ойталаар болза, кандыгыл? |
21.02.2024 09:19 |
Харыы: Тарылга туберкулез аарыындан аарый бээр айыылды эвээжедир - тарылга соонда эки иммунитеттиг тарылгалыг уруг микобактериалар-биле "ужурашкан" соонда, аарывайн барып болур, чок болза инфекцияны чиик хевирге эртер. БЦЖ тарылгазын албаан уруглар туберкулез-биле аарып болур, ооң иштинде эң-не берге хевирлери-биле (баш мээзиниң, сөөктерниң болгаш оон-даа өске органнарның кемдээшкини). Ада-ие уруунга тарылганы ойталап болур. Ынчалзажок, сактып алыры чугула чүүл - туберкулез аарыындан кым-даа камгалал чок, ылаңгыя бичии кижи. Уруглар назы-хар аайы-биле, улуг улуска бодаарга, туберкулез аарый берип болуру колдап турар. Ынчангаш туберкулезка удур иммунитеттиң байдалын хынаары база илередири-биле, уругларга чылдың-на Манту-ну салып хынаар. Ажы-төлдү туберкулез деп аарыгдан камгалаары-биле, чылдың-на салыр ужурлуг Манту болгаш 15 хардан өрү уругларга флюорографияны ыяап-ла эрттирери эргежок чугула. #ПротивотуберкулезныйДиспансерТыва |